بابا
شعر: أمل جمال
بابا بابا بابا
أنا قلبي ربابة
دايماً بتناديك
توصف حبي ليك
دانا روحي فيك
يا حبيبي
بابا
بابا حضن دافي
مليان حب صافي
بجيب العوافي
أوّل لما أشوفه
بيزيد شوقي ليه
وأجري ابوس ايديه
مين في الدنيا أدي
أحلى بابا عندي
نفسي أكون يا بابا
أكبر وأبقى زيك
شخصية ومهابة
مين علمني أفكر
والصلا والكتابه
مين وأنا لسه بادىء
علمني المبادىء
بلدي، أهلي، ديني
أطفال الملاجىء
بابا بابا بابا
أنا قلبي ربابة
